最正宗嘅粤语词典,就系一部广府美食纪录片!

喺唔少外地朋友心目中

广东有一个世界未解之谜——

点解听广东人讲嘢会特别肚饿?

 

因为无论我哋嘈交定系唔舒服

特别锺意用食!物!嚟形容!

特别系嗰啲咩胡建人之类嘅

(唔系你以为为食猫大省系浪得虚名啊!)

 

今日

就等我哋一齐嚟睇下

到底喺外地朋友眼中系食物嘅词汇

到咗广东会变成咩样喇!

温馨提示:本期节目,同美食更配哦!

 01 

▲向左滑动查看在广东的意思

不完全解释:督鱼蛋,喺广东人之中有打球嘅时候手指受到伤害嘅意思,系一种十分形象嘅表达。同督鱼蛋嘅外观一样,只不过鱼蛋变咗球,竹签变咗手指。

呢种痛,系冇办法用文字嚟形容同表达嘅痛楚,佢由内到外,再从外到返内,主要症状系手指红肿,但过一阵会肿到大过猪肠,并且微微泛紫紫中带青,有时仲会令你感觉心口、手臂或者其他身体部位跟住痛,反正就系中过招先知道嘅痛楚!

 02 

▲向左滑动查看在广东的意思

不完全解释:咖喱鸡,也啫系普通话中嘅吻痕,学名称为“机械性紫斑”。

据闻“咖喱鸡”嘅叫法系由香港传过嚟,并且仲有一个英文名:curried chicken 。而喺台湾则叫做“草莓”。

主要成因系皮下微血管喺遇到强大吸力下嘅破裂出血。

 03 

▲向左滑动查看在广东的意思

不完全解释:钵仔糕,指女性贴身内衣。依家演变成为咗升cup而加上去嘅嘢。

 04 

▲向左滑动查看在广东的意思

不完全解释:字面意思系切成一段一段嘅柱状虾肉,实际系指一啲尴尬、令人出丑嘅场面。

 

据闻出处系因为无线电视早年嘅一档早晨节目《清晨雅集》,其中嘅烹饪环节。因为要煮嘅虾碌冇煮熟而令当时嘅场面十分之尴尬,自此就将搞错咗或者摆乌龙嘅事都用虾碌嚟形容。

 05 

▲向左滑动查看在广东的意思

不完全解释:大多数指因为晒衫唔科学而导致啲衫巢晒皮,一般出现喺临出门嘅时候搵衫先见到。

 06 

▲向左滑动查看在广东的意思

不完全解释:喻死尸,咸鱼乃死鱼。因为星爷嘅电影红咗,依家多数形容冇理想嘅人。

 07 

▲向左滑动查看在广东的意思

不完全解释:据闻系从香港传过嚟嘅一种讲法,系用嚟表达100蚊港币嘅,因为100蚊港纸系红色,同红衫鱼嘅外观好似而广泛流传,喺普通话之中,就系“一百块、一百元”。

 08 

▲向左滑动查看在广东的意思

蛋散好食,但要注意讲嘢嘅语气!毕竟说者无心听者有耳,一个唔小心好容易就嘈交喇!

讲到嘈交,仲有一个词同佢一样级别!

 09 

▲向左滑动查看在广东的意思

不过呢两个词,都唔系最得人惊,最得人惊嘅,莫过于从阿妈口中听到呢个词!

 10 

▲向左滑动查看在广东的意思

唔知有几多自己友有呢个阴影?因为阿妈讲“叉烧”讲得太多,所以如果阿妈有一日话“今晚食叉烧”嘅话都会特别惊自己会有咩意外!

 11 

▲向左滑动查看在广东的意思

唔知从几时开始,咸猪手就变咗味!真系可惜!

 12 

▲向左滑动查看在广东的意思

如果有人同你讲,想请你食莲子羹,噉你真系要问清楚到底系边种莲子羹喇,因为喺粤语之中,食莲子羹有枪毙嘅意思!

同广东人讲嘢,真系要三思而行啊!

毕竟,我哋系冇感情嘅广东人

各位自己友

你哋仲有边啲虽然系食物

但意思完全唔系食物嘅粤语词汇呢?

欢迎留言话畀我哋知!

原创不易,如需转载请联系小编!

往期精选

微信扫一扫 分享到朋友圈
微口订阅号

关注订阅号

社交媒体运营经验交流
流量电商行业动态讨论

热点事件
微口订阅号

关注订阅号

社交媒体运营经验交流
流量电商行业动态讨论

阅读下一篇
微口订阅号

自媒体运营攻略
行业经验交流

关闭

创建藏点

藏点名称
藏点说明
藏点封面
转藏至我的藏点 +新建藏点
    关闭
    确定 取消